Chit份ê內容有：卷頭詞：Tīⁿ Liân-khun（鄭連坤）〈基督教教育週間〉，簡介基督教教育週間ê由來，建議台灣教會主日學對總會制定基督教教育週間ê時、教育處擬方針、各中會計畫，地方教會協力辦理，koh提供各教會ê所thang做做ê幾項事做參考。〈主日學的教材〉，Tân Thiam-teng（陳添登）編寫，教案內容大約有：聖經、金句、對教員ê拜託，進入課程：引起動機或是頭序、本論、活用/應用、分組時ê參考，9月份ta̍k禮拜主日學ê主題是：9月7日：〈日常生活中ê公義〉；9月14日：〈事業中ê公義〉；9月21日：〈對有欠點ê人ê公義〉；9月28日：〈公義kap審判〉。Koh來是教員養成講座文章3篇：（1）Tân Ho̍k-seng（陳復生）〈新約聖經的理解與教學〉（待續），聖經是咱ê中心，新約聖經是咱ê活命，請ta̍k家詳細讀；本期講I.新約聖書的理解：A. 新約的福音；B. 新的以色列百姓—教會；C.新約聖書的形式；D.新約聖書的一致。（2）Lîm Gio̍k-tiân（林玉田）〈保羅〉（待續），作者beh對保羅論起kàu教示新約聖經ê概論；本期講序論、I.保羅無意中teh備辦做上帝合用ê器具：（1）上帝奇妙ê料理，講論：「1.選民以色列ê四散；2.言語ê統一；3.平穩ê羅馬帝國」。（3）Iûⁿ Sū-ióng（楊士養）〈大Kek-lia̍t-ko-lí（Gregory the Great）〉，簡介大Kek-lia̍t-ko-lí（Gregory the Great）ê略傳。Sòa落去是新學年ê新出發，〈幼稚班教材〉是台南神學附屬幼稚園ê Chhòa Bûn-iàn老師所編寫，有故事1篇〈A-bêng beh去tó-ūi?〉Chhòa Bûn-iàn譯，詩歌2首〈上幼稚園（主日學）〉、〈上學去〉，適合囡仔ná唱ná跳，koh有附肢體動作說明。Koh來是Tīⁿ Liân-tek（鄭連德）〈基督教教育的再檢討〉（待續），是接8月號第30面，chit期講：I. 教會內ê教育：「2.教會教育ê形體」。Tīⁿ Kím-êng（鄭錦榮）〈聖詩tâm-ōa（談話）（8）〉，chit期紹介聖詩221首“Peace perfect peace, in this dark world of sin?”〈 Kiám有平安，世間有大艱難！〉。最後是 Tīⁿ Chin-hôa（鄭真華）〈摺紙手工〉。〈消息〉kap Kong-hui（陳光輝）〈編輯後記〉。（文/Bo̍k ilī）