Chit份ê內容有：卷頭詞：Iâu Chèng-tō（姚正道）〈作無愧的工人〉，咱tio̍h明白主日學教育ê目的kap做教員ê責任，就是培養兒童ê靈性，chhōa in kàu tī基督；Tī chia用：1.認識召命；2.盡責任感；3.虔誠守己ê生活，chit幾點來saⁿ-kap檢討，咱kám有盡主所交代ê使命。成人科教材：Ko Kim-seng（高金聲）〈基督教要理（6）：上帝是1 ê〉，接6月號，繼續講kàu「7.上帝無所不能」。Tân Thiam-teng（陳添登）〈兒童說教的指針及分班時的教材〉，教案內容大約有：聖經、金句、對教員ê拜託，進入課程：引起動機或是頭序、本論、活用/應用、分組時ê參考，7月份ta̍k禮拜主日學ê主題是：7月6日：〈上帝ê公義kap慈悲〉；7月13日：〈社會公義kap福音〉；7月20日：〈Tī家庭ê公義〉；7月27日：〈Tī社會生活ê公義〉。繼續是接sòa 6月號1958年主日學夏季學校教案聖經研究（初級班）ê部份，初級班ê主題是：「摩西傳」，Tân Kong-hui（陳光輝）編寫，接6月號對第5~12 ê課目是：〈Tòa tī米甸ê摩西〉、〈摩西聽見上帝ê聲〉、〈摩西出發〉、〈摩西見埃及王〉、〈Pôaⁿ過節〉、〈過紅海〉、〈Tī曠野〉、〈Tī西乃山kha〉。後面是Hui-le̍k介紹〈夏季學校手工〉，主要是Lí Un-chû姑娘kap Chhòa Bûn-iàn小姐所設計ê學生手工教材，內容配合今年夏季學校ê總題目，lóng總有12課，ǹg望各位教員善用來指導學生，thang hō͘ 得tio̍h 學習ê利益。另外，tī第5、12、27、42頁有詩歌：〈笑gī-gī〉、〈Saⁿ-kap歡喜〉、〈兒童祈禱感謝歌〉、〈Lóng無憂悶傷悲〉。最後是1頁「使徒行傳地圖」kap Kong-hui（陳光輝）〈編輯後記〉。（文/Bo̍k ilī）