Chit份ê內容有：卷頭詞：Chiong Chú-sî（鍾子時）〈期待tī夏季學校〉，主ài咱tio̍h飼伊所交代咱ê羊仔囝，taⁿ tī夏季歇熱ê時間nih，是1 ê thang切實訓練培養教會青少年ê好機會，ta̍k家tio̍h把握。成人科教材：Ko Kim-seng（高金聲）〈基督教要理（5）：上帝是1 ê〉，接5月號，繼續講kàu「6.上帝是人類ê Pē」。Chhòa E̍k-sū（蔡逸士）〈兒童說教的指針及分班時的教材〉，6月份ta̍k禮拜日主日學綜合合班禮拜kap分級分班課程教案參考，chit個月ta̍k禮拜主日學ê主題是：6月1日：〈上帝設立新ê指導者〉，6月8日：〈神聖ê約束〉；6月15日：〈哀求上帝ê憐憫〉；6月22日：〈Tio̍h 有聖潔ê行為〉；6月29日：〈上帝ê代言人〉。接sòa是1958年主日學夏季學校教案ê部份，有安排課程時間表thang參考，內容有分做：兒童禮拜，總題目：「對主耶穌ê譬喻得tio̍h教示」Tīⁿ Liân-khun（鄭連坤）編寫，12篇喻道故事：〈Iā種ê譬喻〉、〈麥kap稗ê譬喻〉、〈芥菜子ê譬喻〉、〈酵ê譬喻〉、〈Khǹg tī園裡ê寶貝ê譬喻〉、〈好ê珠ê譬喻〉、〈抛網ê譬喻〉、〈十ê在室女ê譬喻〉、〈分銀ê譬喻〉、〈綿羊、山羊ê譬喻〉、〈萄葡樹ê譬喻〉、〈石磐頂ê厝ê譬喻〉。聖經研究（高級班）：「保羅傳」，Chiong Bō͘-sêng（鍾茂成）編寫，lóng總12課：〈保羅傳ê頭序〉、〈保羅ê反悔〉、〈保羅chiâⁿ做基督徒〉、〈保羅第一次旅行傳道〉、〈保羅赴大會〉、〈保羅第2次旅行傳道〉、〈保羅第2次旅行傳道〉（接前課）、〈保羅第3次旅行傳道〉、〈保羅第3 pái kàu哥林多〉、〈保羅受lia̍h〉、〈保羅受審問kap分訴〉、〈保羅tī羅馬〉。聖經研究（初級班）：「摩西傳」，Kong-hui（陳光輝）編寫，本冊有4篇，〈埃及國大發展〉、〈籃仔內ê ta-po͘ 嬰仔〉、〈小朋友摩西〉、〈青年摩西〉。最後是詩歌1首〈囡仔ê朋友耶穌〉kap Kong-hui（陳光輝）〈編輯後記〉。（文/Bo̍k ilī）