Chit份ê內容有：卷頭詞：Gô͘ Thian-bēng（吳天命）〈主復活〉，基督ê koh活，咱ê信chiah有真實，koh活ê基督咱ê罪chiah有得tio̍h救。成人科教材：Kim-seng（高金聲）〈基督教要理（3）：上帝是1 ê〉，接3月號，繼續講kàu「4.上帝無所不在」。Koh來是教員養成講座文章3篇：（1）Tân Sek-chong（陳晳宗）〈主日學的使命〉（待續），教會beh有氣力thang廣傳福音，堅固信仰，宗教教育真要緊。（2）Iûⁿ Sū-ióng（楊士養）〈修道院〉，本文介紹初代教會隱遁生活ê歷史簡介。（3）Ko Má-lia̍t（高瑪烈）〈聖經與小孩宗教生長的關係〉（待續），本文中文書寫。Sòa落去是Tīⁿ Liân-tek（鄭連德）〈基督教教育的再檢討〉（待續），接3月號，chit期講：「2.教會kap基督教教育」。Iû Chèng-gī（尤正義）〈南臺主日學略史〉，南台ê設教已經93年，〈南台教會史〉已經出世，1917年主日學部會成立kàu taⁿ已經40年，taⁿ將主日學歷時做簡略記事hō͘ ta̍k家參考。Tân Kong-hui（陳光輝）〈Koh活節tio̍h cháiⁿ-iūⁿ 守〉，Koh活節節期ê準備、心態、注意事項、讚美禮拜、話劇劇本等參考。Gô͘ Kong-bêng（吳光明）〈基督教教育二盲點〉（待續），基督教宗教教育ê檢討kap建議。Hui-le̍k〈兒童說教的指針及分班時的教材〉，4月份ta̍k禮拜日主日學綜合合班禮拜kap分級分班課程教案參考，chit個月ta̍k禮拜主日學ê主題是：4月6日：〈教會得勝ê保證〉；4月13日：〈上帝ê百姓tú-tio̍h艱苦〉；4月20日：〈上帝準備指導者〉；4月27日：〈上帝拯救伊ê百姓〉。Tīⁿ Kím-êng（鄭錦榮）〈聖詩tâm-ōa（談話）（5）〉，chit期紹介聖詩42首〈Low in the grave He lay; 救主tī墳墓內〉。祝Koh活節ê詩5首，〈天光早〉、〈復活節〉、〈Iâ-so͘ koh活lah〉、〈主koh活〉、〈榮光kàu萬世〉。最後是〈消息〉6條kap Kong-hui（陳光輝）〈編輯後記〉。（文/Bo̍k ilī）