Chit份ê內容有：卷頭詞：Tân Kong-hui（陳光輝）〈重新〉，農曆ê新年beh kàu lah，ta̍k家tio̍h實質重新奮發，來盡受ê召命；咱基督徒是tiàm tī基督來重新，tio̍h對內心換新；謹記保羅所講：人若tiàm-tī基督，就是做新創造ê人。教員養成講座：Lâu Hôa-gī（劉華義）〈近世S. S.（主日學）的歷史〉（待續），教會S. S.（主日學，Sunday School），原是指ta̍k禮拜日tī教會實施ê宗教教育課程，主要beh教導信徒認識聖經教理、實踐教會信仰生活，thang堅固信仰根基；本文對Robert Raikes（Lūi-khek-su）以前ê S. S.、Robert Raikes ê S. S.、 美國ê S. S.kap台灣ê S. S.等4 ê部份來介紹主日學ê 發展史。Iûⁿ Sū-ióng（楊士養）〈教會受迫害〉，本文講tio̍h幾位初期信教受迫害ê殉教者，Í-ngá-tiu（Ignatius）、Pó-lī-kap（Polycarp）、 Iû-teng（Justin Martyr）ê事蹟，其他koh有簡介Pe̍k-lân-teng-ná（Blandina）、Bí-be̍h-lī-tá（Biblida）Te̍k-tù-lī-an（Tertullian）等受迫害ê事，主要是beh提供做高學年主日學學生ê補充教材ê路用。Thian-sióng〈你ê學生是gōng mah?〉（待續），兒童教育教授法ê講論。Tīⁿ Kím-êng（鄭錦榮）〈聖詩tâm-ōa（談話）〉，chit期紹介聖詩188首〈至好朋友就是耶穌〉。Tân Kong-hui（陳光輝）〈介紹第十四屆世界基督教教育大會（主日學大會）〉。Tân Kong-hui（陳光輝）〈主日學教員應有ê款式〉，接前號，繼續講：7.事事tio̍h切實ê準備；8.Tio̍h有威嚴kap權威；9.Tio̍h有tāi-toān（大段）、自在；10. Kap全體tio̍h有協調。Tīⁿ Chin-hôa（鄭真華）〈摺紙手工〉。Ko Kim-seng（高金聲）〈成人科教材：基督教要理（1）〉，針對成年人所設計ê宗教教育教材，論講聖經研究來幫贊入教會ê人認bat真理，本文論講第1站：論上帝；頭1點：上帝是神。Hui-le̍k〈兒童說教的指針及分班時的教材〉，2月份ta̍k禮拜日主日學綜合合班禮拜kap分級分班課程教案參考，chit個月ta̍k禮拜主日學ê主題是：2月2日：〈Tio̍h cháiⁿ-iūⁿ幫贊教會〉；2月9日：〈教會teh教上帝ê話〉；2月16日：〈教會ê教育傳道〉；2月23日：〈教會ê佈道傳道〉。其他，第3頁〈募集kha本、聖歌〉，第48、49頁，〈消息〉3條kap Kong-hui（陳光輝）〈編輯後記〉。（文/Bo̍k ilī）