Chit份資料ê內容有：Un-chō͘〈老母ê功課〉，老母教育囝兒ê責任無因為時代變換來改變，tio̍h注意幾項教育ê問題：「1. Cháiⁿ-iūⁿ hō͘你ê囝聽趁你？2. Cháiⁿ-iūⁿ hō͘囡仔有好行為kap態度？Hō͘ in尊敬長輩？3.有需要hō͘囡仔「零用錢」無？4.對愛講白賊ê囡仔beh cháiⁿ-iūⁿ處理？5.Tng囡仔問你關係性ê問題，你beh cháiⁿ-iūⁿ應答？」。〈墓洞內ê殉教者（5）〉（待續），接頂期，chit期是講第6章：做干證ê親像雲圍咱。Sîn-kong〈寫tī母親節〉，母親節就是咱siàu念老母ê疼，siāng時也tio̍h幫贊老母，hō͘伊ē tī上帝ê面前，做模範母親。Lú-bí〈厚話小姑〉，做小姑ê對待兄嫂，上tio̍h看伊親像ka-kī ê姐妹、好朋友，互相合作，chiah是增加家庭快樂ê祕訣。Ka-iú〈後母kap前人囝〉，hō͘ koh再結婚組成新家庭ê家庭成員，互相之間，以及親友互動ê建言。Pêng-iú〈Cháiⁿ-iūⁿ得tio̍h ta-ke ê信任〉，對日本東京家庭裁判所調停官所講ê幾點要領提供hō͘家庭主婦做參考。資料室〈聽！囡仔ê心聲〉，兒童教養ê育兒常識。An-seng〈你ê 中晝頓食sím-mi̍h？〉，衛教常識。Î Khek-hiân〈Thit-thô kap消遣〉，對減少少年犯罪ê休閒活動、場所ê討論，用美國ê例做參考建議。Chhòa E̍k-sū（ 蔡逸士）〈少年犯罪ê原因〉，少年犯是今仔日社會kap家庭ê嚴重問題；本文根據作者工作經驗，將少年犯罪ê原因大略分做：1.家庭原因、2.社會原因、3.學校原因、4.個人原因kap 5.宗教信仰等5項進行探討。Chiau-éng〈康樂遊藝〉，提供康樂遊藝2條。（文/Bo̍k ilī）