Chit份資料ê內容有：An-seng〈家庭cháiⁿ-iūⁿ慶祝聖誕？〉，利用聖誕卡片、聖誕傳單、聖誕糕、聖誕桃，分送厝邊未信者，也ǹg望教會指導信徒來做；若是教會做ē-kàu，tio̍h利用chit-ê機會將聖誕ê歡喜帶kàu病院、孤兒院、監獄.....等；hō͘ hiah-ê肉體艱苦、心內憂愁ê人，因為耶穌基督ê聖誕得tio̍h安慰kap歡喜。Un-chō͘，介紹基督教出名ê婦女：〈Ōe-su-lí So͘-sàn-ná (2)〉（請待續），介紹18世紀英格蘭Sûn-tō-phài（循道派）創辦人ê老母 Ōe-su-lí So͘-sàn-ná（Susanna Wesley）ê生平記事。Jû-hūi〈Siáⁿ-sū囡仔ài冤家sio-phah？〉，本文有分析「冤家」是囡仔常有ê表現，做pē母ê tio̍h了解in冤家ê原因kap本質，chiah ē-tàng chhōe出有效ê解決方法。Î Khe-hiân〈聖誕ê禮物〉，聖誕節將beh sio送ê禮物一部份送hō͘ hiah-ê 可憐ê人，chit-ê chiah是聖誕老人ê精神，是基督ê精神，也是teh播揚聖誕ê好消息。編輯室〈12月份：家庭座談會〉，ta̍k禮拜1 kái ê家庭聖經研究討論，提供座談主題、聖經經節、問題討論，chit個月總題： (1)提摩太E家庭、(2)聖家庭。Khó͘ Iú-châi（許有才）〈高血壓經驗方〉，分享治療高血壓ê經驗祕方。Un-chō͘，〈幸福家庭講座：夫妻之道〉，配合實例講論夫婦相處之道。Lí Lú-bí〈人人siáⁿ事無歡喜你〉，真誠坦白來檢討ka-kī ê個性，設法消除、改正ka-kī ê個性上ē kap人bē和睦、bē hō͘人歡喜ê原因。Siā Sú-chhoan〈聖誕kap社會〉，耶穌基督是世間全人類ê救主，伊ê降生也是為tio̍h全人類，聖誕ê好消息tio̍h傳hō͘萬百姓lóng有份。Má-lī〈囡仔ê lim食行為〉（待續），育兒常識。E̍k-sū（ 蔡逸士），〈老母講hō͘囡仔聽：A-sêng ê勝利〉，喻道故事，A-sêng遵趁聖經教示赦免對敵伊ê人，後來真正改變傷害伊ê A-kiû ê心，悔改來tòe A-sêng去主日學。Chiau-éng〈康樂遊藝〉，提供康樂遊藝4條。（文/Bo̍k ilī）