Chit份資料ê內容有：Hūi〈囡仔希望對pē母得tio̍h sím-mi̍h？〉，做pē-bó ê ê育兒方針。Un-chō͘，介紹基督教出名ê婦女：〈Ki-ong夫人〉，介紹17世紀法國1位信奉安靜主義ê Ki-ong夫人，就是Jiân-nî Má-lī Bú-bui-tek-lah Mô͘-tek（Jeanne-Marie Bouvier de la Motte），伊ê生平記事。Hūi-kheng〈囡仔大人！〉，雖罔是心智無缺陷ê成年人，表現卻是人格未成熟ê囡仔款；是因為細漢無得tio̍h tú好ê照顧，抑是因為in ê pē母mā是1款囡仔大人性ê人，tio̍h ē造出chit款「囡仔大人」。I-seng〈高血壓ê常識〉，醫學常識。Chiā Hí-bêng（謝禧明）〈是sím-mi̍h人beh結婚？〉，對聖經所記阿伯拉罕替以撒chhōa新婦做話頭，講kàu教會teh提倡基督化家庭運動，教會有責任來指導pē母，tio̍h cháiⁿ-iūⁿ去考慮抑是指導青年婚姻ê問題，同時教會也ē-thang製造hō͘青年發展婚姻ê機會kap場所；本文ǹg望ē-thang排解兩代之間ê問題，減少婚姻上ê紛爭，thang增進新家庭ê幸福，也thang替上帝做見證、榮光主名。Hû-hūi〈M̄-thang強迫囡仔食〉，育兒常識。資料室〈音樂對胎兒ê影響〉，胎教常識。Un-chō͘，幸福家庭講座：〈論家庭教育（1）〉（待續）。Hūi-jîn〈家事常識〉，家事常識9條。An-seng〈Cháiⁿ-iūⁿ保持健康？〉，養生保健原則，12條。Chiau-éng〈康樂遊藝〉，提供康樂遊藝4條。E̍k-sū（ 蔡逸士），〈老母講hō͘囡仔聽：公主 kap蘋果〉，兒童故事，講1 ê青年人ê 3項寶物去hō͘公主騙去，後來，伊利用神奇ê蘋果hō͘公主自動退還3項寶物，koh甘願嫁hō͘ 青年人。（文/Bo̍k ilī ）