Chit份資料ê內容有：Má-lī〈兒童入學以前老母應該教伊sím-mi̍h？〉，兒童入學以前tī家庭ê教育準備。Un-chō͘，介紹基督教出名ê婦女：〈Chhí-khîm-sun Liû-sek〉（待續），介紹英國宗教運動出名ê女作家：Chhí-khîm-sun Liû-sek ê生平記事。Hūi-jû〈中年人ê lim食？〉，人kàu tī 中年時期，精神往往kap身體kāng款開始衰退；總是若注意簡單ê科學ê lim食方法，就ē精神旺盛，身體健康。An-seng〈收音機kiám是你ê？〉，基督徒聽收音機tio̍h細jī選擇電台播送ê內容，m̄-thang趁世俗。Lú-bí〈M̄-thang hō͘ 囡仔siuⁿ早讀冊〉，囡仔用腦siuⁿ早，傷害腦力，長成以後可能早衰；Siuⁿ早用腦有阻礙內分泌ê正常發展，所以iáu-bōe長大就死去；Koh一方面年歲少tio̍h入學，除非十分聰明以外，容易tè bōe tio̍h，就ē自卑、消極、悲觀、無自信，所以，囡仔7足歲chiah入學khah好sè。資料室〈Án-ni做就bōe hôaⁿ？〉，衛教常識。Siang-hui〈聯合國發表通過亞洲人口增加率每年3,300萬人〉。Pó-bó〈Beh cháiⁿ-iūⁿ hō͘ teh háu ê 囡仔 tiām〉，育兒常識。Sîn-kong〈無受khún-tio̍k m̄知苦！〉，無kāng信仰結婚所tú tio̍h信仰無自由ê經歷ê實例，勸勉青年人結婚前tio̍h三思、深入觀察。Un-chō͘，幸福家庭講座：〈婚後ê真實結合〉。Chiau-éng〈康樂遊藝〉，提供康樂遊藝3條。E̍k-sū（ 蔡逸士），兒童故事：〈雞仔囝救ma-ma〉，9隻雞仔囝beh去救hō͘狐狸咬去ê ma-ma ê故事。Jû-hūi，笑話：〈踢m̄ tio̍h人〉。資料室〈大文豪ê慘死〉，蘇聯出名文豪Thok-ní-su-thài（1828—1910，Tolstoy）慘死在外ê因端。資料室〈雞卵kap鴨卵〉，雞卵kap鴨卵營養成分ê比較。（文/Bo̍k ilī）