Chit份資料ê內容有：An-jîn〈睏〉，本文講眠床也ē影響睏眠，以及提供幾項beh安眠好睏ê注意事項。Siang-hui〈主婦beh cháiⁿ-iūⁿ hō͘家庭ê人無破病〉，beh保持健康ê 3守則：代先的確tio̍h有適當ê運動kap充份ê營養，chiah thang得tio̍h勇壯ê身體；以及ài注意環境kap 個人ê衛生；Koh來tio̍h是減少chhōa囡仔出入tī公共場所。Un-chō͘，介紹基督教出名ê婦女：〈聖Thô-lí-sat (2)〉，介紹西班牙神祕教ê出名人物：聖女Thô-lí-sat（Teresa）ê生平記事。T. J. H.〈兒童ê服裝〉，家庭常識。An-seng〈Lim chhiⁿ牛奶ê常識〉，關係牛奶ê飲食常識。資料室〈長歲壽ê條件〉，根據調查統計長歲壽ê條件有：1.祖先長歲壽ê人；2.Lò矮tú好ê人；3.肥瘦tú好ê人；4.有美滿ê婚姻ê人；5.婦人人khah長歲壽；6.心理健康tú好ê人；7.教育程度koân ê人；8.無吸薰ê人；Chit幾項。Un-chō͘，幸福家庭講座：〈Koh-iūⁿ性格ê發現kap調和〉，tī koh-iūⁿ ê性格出現kap調和ê過程若有磨擦、衝突， 無爽快ê代誌，千萬ē記得tio̍h勇敢對對方道歉；有智慧ê箴言講：「一日ê代誌一日完畢。夫婦tī beh chiūⁿ眠床以前，tio̍h代先將心內任何ê懊惱、怨恨、憢疑除去，然後chiah安眠。」。Jû-hūi〈收khǹg冬天衫ê常識〉，家務常識。〈Cháiⁿ-iūⁿ教示3、4歲ê囡仔〉，育兒常識。資料室〈貧血病ê有效療法（2）〉，醫學常識。Chiā Hí-bêng（謝禧明）〈家庭kap學校〉，家庭kap學校意見bōe合ê時，pē母m̄應該當囡仔ê面前來責備學校，講先生han-bān，致kàu囡子對學校失去信任；學校抑是先生也bōe應得tī學生ê面前，來批評家長，hō͘囡仔失去對爸母ê尊敬；Tī chit-ê學校教育真無建全ê時，一方面咱ta̍k家tio̍h明白家庭教育ê重要，koh一方面咱tio̍h ài去幫助學校；做家長、pē母ê不時tio̍h關心學校ê教育，m̄是kan-ta惡意ê批評，tio̍h ài hō͘學校進步改革ê建議，隨時kap學校連絡，補足學校ê無夠；另外，教會也thang干涉，教會tio̍h代表家長，kap pē母ê意見ǹg有關ê機關建議交涉；對教會內tio̍h幫贊家庭、會友理解教育ê意義，幫贊ta̍k-ê家庭做bōe kàu ê事。S. T. B.〈世界人口緊加添1年加添1 ê英國〉，世界新聞。Chiau-éng〈康樂遊藝〉，提供康樂遊藝3條。（文/Bo̍k ilī）