Chit份資料ê內容有：Un-chō͘，幸福家庭講座：〈一生同伴ê選擇〉，本文講婚姻ê目的kap使命，是雙人歡喜來經過壯年ê日子、快樂kiâⁿ天路，直到離開世間；其中ē左右婚後生活幸福ê要素有：A.經濟方面；B.年齡方面；C.教育kap信仰方面；Chit幾項。〈囡仔ê天才教育〉，beh實施天才教育，tio̍h看囡仔ê接受教育ê準備程度cháiⁿ-iūⁿ；若已經完成準備，koh囡仔mā歡喜學習，進步tio̍h真緊；若lóng無sím-mi̍h準備，就無論用sím-mi̍h方法，也學bōe好sè。Un-chō͘，介紹基督教著名ê婦女：〈La̍p-óa-la̍h ê Má-ka-jia̍t-te̍k(2)〉，介紹16世紀法國皇帝Hoat-lân-se-su（法蘭西斯）ê阿姊La̍p-óa-la̍h ê Má-ka-jia̍t-te̍k (Marguerite de Navarre，納瓦拉ê瑪格麗特）ê生平記事。Tiuⁿ Eng-kia̍t〈至好ê忠告〉，作者tī經歷婚姻生活10冬了後，chiah曉悟當初證婚ê牧師所講ê話：「若是lín將主耶穌基督做第一，互相ê幸福做第二，ka-kī ê願望做第三，就lín ê婚生活決斷ē得tio̍h滿足」，chiah ê 話真正是 「至好ê忠告」。資料室〈情緒影響癌病〉，根據美癌病權威Nî-sa博士研究，癌病ê起因，有可能也心理kap情緒有關。Má-lī Ò-ûn所寫，〈管教囡子容易犯tio̍h ê錯誤〉，Jû-hūi譯，管教囡子容易犯tio̍h ê錯誤有：1.Hō͘人sēng ê囡仔：M̄-thang 過頭sēng囡仔，也m̄-thang 放據在伊去， tio̍h隨時用合理ê方法管教；2.受壓制ê囡仔：囡仔ài kā伊適當ê o-ló，囡子ài感覺ka-kī hō͘ pē母看重，tio̍h 隨時kā伊o-ló、鼓勵，chiah-ē得tio̍h自信；3.受過分管教ê囝仔：囡仔應付一切ê生活已經夠額困難，若koh kā伊嚴轄管教，只有加添囡仔ê精神緊張、心情tio̍h急、無膽、驚見笑nā-tiāⁿ，所以，過頭sēng囡仔、壓制kap過分管教囡仔，對細漢囡仔lóng有真大ê損害。Chiau-éng〈康樂遊藝〉，提供康樂遊藝2條。Sió Be̍k-jîn譯〈了解別人ê困難〉，假使咱若用同理設想ka-kī tī 咱所批評ê人ê處境kap問題ê時，kiám-chhái tio̍h bōe隨便koh去批評別人ê pháiⁿ；Án-ne 也thang hō͘ 心境khah安靜。Chhiu-hân，兒童故事：〈囡仔ê花園〉，德國ê囡仔古，喻道故事，分享疼細漢囡仔ê耶穌hō͘朋友熟識。Tēⁿ Chiong-in（鄭彰恩）〈請人客〉，講請人客ài先定時間，koh tī聚餐以前、teh食ê時、食了後等應該注意事項。（文/Bo̍k ilī）