Chit份資料ê內容有：Un-chō͘，幸福家庭講座：〈論人生大事〉，婚姻是人生大事，婚姻生活ê作用是teh促進幸福，家庭若充滿精神kap物質ê安全感，夫婦ê品行saⁿ長進，也ōe協助社會ê安寧kap進步，婚姻是人生大事，千萬m̄-thang冒險、糊塗。資料室〈食物件ê智識〉，kap身體健康有重要關係ê食物件ê智識。Jû-hūi，日用品常識：〈Tio̍h買sím-mi̍h款保溫罐〉。Un-chō͘，介紹基督教出名ê婦女：〈La̍p-óa-la̍h ê Má-ka-jia̍t-te̍k(1)〉，介紹法國皇帝Hoat-lân-se-su（法蘭西斯）ê阿姊人稱做16世紀中最敬虔、最高尚ê一位女子La̍p-óa-la̍h ê Má-ka-jia̍t-te̍k（Marguerite de Navarre，納瓦拉ê瑪格麗特）ê生平記事。資料室〈患tio̍h癌病iáu-kú有生存ê機會〉，癌病患者最大ê弱點就是驚惶、拖時間、無知，che是自我ê毀滅，是構成癌病死亡ê最毒ê兇手；若有初期癌病ê象徵，就提早檢查、提早發見、提早治療，癌病m̄是bē醫tit。T. J. H.〈囡仔ê睏中晝〉，育兒常識。Tiuⁿ Eng-kia̍t，家庭法律常識：〈夫妻關係〉，介紹婚姻制度當中，夫妻tī身份上、財產上ê關係ê法律常識。Chiā Hí-bêng（謝禧明）〈對少年犯罪看教育問題〉，對少年犯罪思考基督化家庭kap教育問題。Chiau-éng〈康樂遊藝〉，提供康樂遊藝3條。I. H.〈Hō͘囡仔接近音樂〉，人ê天性有接近音樂ê1種本能，本文介紹幾種適合幼兒ê古典音樂。Tēⁿ Chiong-in（鄭彰恩）〈接待人客〉，接待人客應該注意事項。An-seng〈Cháiⁿ-iūⁿ培養記憶力〉，beh培養記憶力tio̍h：1.睡眠充足；2.注意營養；3.精神tio̍h快樂；4.環境tio̍h平靜；5.Tio̍h避免過勞；6.Tio̍h適當ê運動；Chit 6點就是為tio̍h培養記憶力ê基本條件。（文/Bo̍k ilī）