Chit份資料ê內容有：Lí Iok-hān（李約翰）〈高雄基督教聯合佈道大會〉，8月20日~29日，tiàm高雄所舉行ê各教派聯合禮拜佈道大會活動記錄。Phêⁿ Bêng-chhong（彭明聰）〈精神kap肉體（2）〉，自然科學kap醫學智識，紹介精神對身體ê密切關係kap影響。Chiā Hí-bêng（謝禧明）〈Beh cháiⁿ-iūⁿ做模範ê pē母？〉，有幾項：1.做pē母tio̍h充分理解囝兒kap in建立疼kap友誼；2.Pē母ka-kī ê人格完全，ōe-thang面對現實來生活；3.Tio̍h倚靠ka-kī ê氣力來phah拚，留節約ê模樣，hō͘囝兒有安全感；4.Tio̍h有健全ê生活目標，koh hō͘囝兒有份tī in ê工作；5.Pē母ê生活中tio̍h和合，m̄-thang tī囝兒ê面前冤家；6.Tio̍h有理想，歡喜為tio̍h別人服務；7.對囝兒tio̍h忠實、信任，tio̍h有合理ê嚴格，kap必要ê適當ê處罰；8.Pē母ê決定tio̍h ài根據囝兒ê需要。Tiuⁿ Eng-kia̍t〈家庭法律常識：訂婚〉，介紹民法當中有關「訂婚」ê法律常識。Un-chō͘，介紹基督教出名ê婦女：〈Bú-lí-ge̍h-tek (2)〉，講Ài-ní-lân（愛爾蘭）ê女聖徒Bú-lí-ge̍h-tek (Bridget of Kildare) ê生平事蹟。U. C.〈Tio̍h cháiⁿ-iūⁿ chiah bōe厭siān〉，thang kā環境做淡薄改善、抽時間做有利益ê運動、參加社交活動、hō͘心情轉ǹg其他有趣味ê代誌，來消除厭siān。Lîm Gī-bō͘〈Lim酒kap改酒〉，經驗kā咱講：hòⁿ酒ē破壞家庭，後果悽慘；改酒ê人ê見證講：對改酒了，頭腦清楚、bōe koh糊塗虛度光陰，無koh hō͘酒ê魔力束縛、做酒ê奴隸，taⁿ thang自由、快樂、真正teh做人，感謝主，改酒ōe hō͘人平安、健康koh幸福。An-hí〈獎勵kap刑罰〉，運用適當ê獎勵kap刑罰來幫贊教育囡仔近好離pháiⁿ。Chiau-éng〈康樂遊藝〉，提供康樂遊藝3條。〈家庭禮拜（9月份）〉，提供9月份家庭禮拜，家庭每日靈修ê主題、beh吟ê聖詩kap聖經節。I. H.〈兒童故事：可憐ê A-bêng〉。〈慶祝kap弔慰〉。（文/Bo̍k ilī）