Chit份資料ê內容有：Siong-hui〈你ài sím-mi̍h款ê家庭〉，家庭中ê青年人tio̍h尊重sī大人ê指導，做老pē ê tio̍h認bat時代，m̄-thang固執，tio̍h hō͘青年人有發揮ê機會，pē囝lóng tio̍h研究，凡事參詳1 ê好ê結論，同心去進行，就ē得tio̍h幸福完滿家庭生活。Gio̍k-bêng〈重要門關出世kàu 度晬〉，介紹出世嬰仔kàu度晬ê身體各項機能ê發育進程kap肢體情緒表達。Un-chō͘，介紹基督教出名ê婦女：〈Bú-lí-ge̍h-tek (1)〉（待續），講Ài-ní-lân（愛爾蘭）ê女聖徒Bú-lí-ge̍h-tek (Bridget of Kildare) ê生平事蹟。Hūi-kheng譯〈豺狼beh大隻羊抑是細隻羊〉，基督教理宣達。Chiā Hí-bêng（謝禧明）〈生活教育ê重要〉，生活中ê ta̍k項代誌lóng是對囝兒ê 1款教育，是ta̍k-ê做pē母ê tio̍h ài有ê觀念。Tiuⁿ Eng-kia̍t家庭法律常識：〈婚姻制度ê原則〉，介紹婚姻制度ê法律常識。Phêⁿ Bêng-chhong（彭明聰）〈精神kap肉體（1）〉（待續），自然科學kap醫學智識，人體ê奧祕。U. C〈兒童ê thit-thô kap thit-thô物ê選擇〉，兒童thang對thit-thô中來學習chē-chē代誌，本文提供兒童ê thit-thô kap thit-thô物ê選擇、場所等注意事項。〈家庭禮拜（8月份）〉，提供8月份家庭禮拜，家庭每日靈修ê主題、beh吟ê聖詩kap聖經節。Chiau-éng〈康樂遊藝〉，提供康樂遊藝4條。L. I. H.〈偏愛〉，對聖經中以撒kap利百加ê家庭kap教育所得ê啟示。〈起燈塔tī暗ê礁石〉，喻道教示。（文/Bo̍k ilī）