Chit份資料ê內容有：Siong-hui〈婦女ê職業問題〉，婦女若kiâⁿ入職業場域，可能ê問題有：1.工作影響婦人人ê身體健康；2.影響囡仔ê家庭教育；3.婦人人有職業ē khah驕傲；Beh 解決chiah ê問題最好ê辦法是：1.婦人人所賺ê錢也tio̍h hō͘丈夫；2.囡仔ê家庭教育，2人也tio̍h同心負責；3.家庭ê工作tio̍h協力做伙做。Lâu Chú-kò͘〈囡仔大小便ê習慣〉，提醒老母注意影響囡仔大小便ê生理方面、精神方面ê原因，指導老母訓練囡仔大小便ê時間kap習慣。〈你ē-thang對囡仔學tio̍h sím-mi̍h？〉，做大人ê ē-thang對囡仔學tio̍h無kâng視角ê生活態度。Un-chō͘，介紹基督教出名ê婦女：〈Cheng-tek (1)〉（待續），講法國ê基督徒婦女殉道者聖女貞德 （Joan of Arc） ê生平事蹟。Hūi-kheng〈1位作家ê信仰〉英國小說家Cha-lí-sū Te̍k-kèng-su（Chrles Dickens）ê信仰見證。編輯室〈兒童教育上7項m̄ thang ê事〉：1.M̄-thang cha̍uh唸；2.M̄-thang騙囡仔；3.M̄-thang 褒唆；4. M̄-thang偏私款待；5.M̄-thang hō͘ 伊失膽；6.M̄-thang詈罵；7.M̄-thang隨便講話。Siú-gû: Lōa Jîn-seng（守愚：賴仁聲），兒童宗教教育小說：〈所ǹg望ê囝〉（待續），1 ê少年ê寡婦，靠ka-kī雙手chhiâⁿ養2 ê細囝，日子克苦iáu-koh真致意tī家庭ê宗教教育ê故事，chit期是〈15：反悔ê目屎〉。Éng-san Cheng-chú〈老母ê見證〉，Lí Lú-bí譯，信徒見證。T. E. C.〈電熨斗ê選擇kap保養〉，家庭電器用品常識。Lí Lân-hong〈感情成熟ê人〉，心理感情成熟ê人ê表現kap對ka-kī、社會關係ê影響。Lîm Gī-bō͘〈你知抑m̄知？〉，兒童發育、人體等常識題14條。S. H. K.〈囡仔驚暗kap孤獨〉，兒童心理行為淺說。Un-chō͘，〈詼諧王〉，喻道故事，主ê話是出死入活ê指路牌，m̄知永活ê路ê人chiah是故事中ê「詼諧王」。（文/Bo̍k ilī）