Chit份資料ê內容有：〈家庭週〉，5月14日~20日家庭週活動大綱，主題「全家歸主」。So͘ Thian-bêng（蘇天明）〈全家歸主〉，為家庭週活動所作ê福音歌詩，第1節，論家庭ê意義；第2節，信徒夫婦ê saⁿ疼；第3節，理想ê家庭生活；第4節，家庭ê使命。Un-chō͘，介紹基督教出名ê婦女：〈Pho-phé-to-a：為基督殉道者〉，講起發生tī 203年A-hui-lī-ka洲（北非）ê基督徒婦女殉道者Pho-phé-to-a (Perpetua) ê故事kap對現代基督徒ê啟示。資料室〈適合結婚ê成熟條件〉，婚姻專家講：青年人若成熟了，就thang適合結婚；所講ê「成熟」tio̍h 包含：「生理te̍k、心理te̍k、職業te̍k、性慾te̍k、感情te̍k」chiah ê條件lóng成熟。Siú-gû: Lōa Jîn-seng（守愚：賴仁聲），兒童宗教教育小說：〈所ǹg望ê囝〉（待續），1 ê少年ê寡婦，靠ka-kī雙手chhiâⁿ養2 ê細囝，日子克苦iáu-koh真致意tī家庭ê宗教教育ê故事，chit期是〈14：無phah算ê saⁿ遇〉。Siong-hui〈你bat tòa物件去探訪人抑無？〉，提醒tòa禮物去探訪朋友ê時應該注意ê事項，以及朋友tòa禮物來拜訪你ê時應該注意ê禮節。Don Cook〈10年來英國ê公醫制度〉T. E. C譯，本文是美國Don Cook 1959年，觀察英國國家ê衛生局了後，所寫ê 1篇見聞實錄，chit期講tio̍h：「醫院ê限制」、「永遠m̄免煩惱醫藥費」。Chiā Hí-bêng（謝禧明）〈寄hō͘ bōe入伍青年朋友ê 1張批〉，作者入營受軍事訓練，tī hia所tú-tio̍h對人格培養環境ê適應、次序教育、信仰教育、生活教育、「性」ê教育等等所受tio̍h ê刺激，將伊ê經驗寫hō͘ iáu-bōe入伍ê青年kap做pē母ê人，saⁿ-kap關心。Khng Ka-im（康嘉音）〈論看命〉，做基督徒ê tio̍h知基本ê 2項事：1.知未來ê事m̄是幸福；2.卜卦無影ē知未來ê事，也bōe-thang解圍你ê運命kap前途；咱若完全信靠上帝就m̄免為tio̍h將來ê事過頭掛慮，也m̄免卜卦抽籤來犯罪，基督徒只有khîⁿ牢tī信仰，忠實服sāi上帝就beh得tio̍h福氣。〈天堂發生ê事件〉，喻道故事。（文/Bo̍k ilī）