Chit份資料ê內容有：Siong-hui〈參加山地傳教者ê進修會〉，參加山地傳教者ê進修會ê機會，對山地ê風俗、民情kap入信ê見聞。〈你ê家庭kiám是快樂家庭〉，che是1 ê中學ê先生所寫ê，An-hí對“This Day”譯，用A-bín kap A-kiàn ê家庭生活做例，干證全家有一致宗教信仰ê家庭chiah ē是快樂家庭。Lí Iok-hān（李約翰）〈當心兒童〉，除了教會主日學對兒童ê宗教教育以外，做pē母ê人m̄-thang忽略tī家庭內ê教育。Hūi-kheng〈我是1 ê酒鬼〉，譯自Reader’s Digest，信徒見證。Siú-gû: Lōa Jîn-seng（守愚：賴仁聲），兒童宗教教育小說：〈所ǹg望ê囝〉（待續），1 ê少年ê寡婦，靠ka-kī雙手chhiâⁿ養2 ê細囝，日子克苦iáu-koh真致意tī家庭ê宗教教育ê故事，chit期是〈13：艱苦有時過〉。Don Cook〈10年來英國ê公醫制度〉（待續），T. E. C譯，本文是美國Don Cook 1959年，觀察英國國家ê衛生局了後，所寫ê 1篇見聞實錄，chit期講tio̍h：「醫療ê標準」kap「Hō͘醫生煩惱ê事」2項。T. E. C，介紹基督教出名ê婦女：〈Ka-thaⁿ-lîm〉，（sòa接前月號）（待續），介紹14世紀天主教女聖人聖凱瑟林ê生平記事。Tân Ho̍k-seng（陳復生）〈對馬來亞寄來ê 1張批〉，受海外宣道會派kàu馬來亞傳道ê陳復生牧師，所寄ê消息，也請ta̍k家sòa saⁿ替祈禱。（文/Bo̍k ilī）