Chit份資料ê內容有：Lōa Jîn-seng（賴仁聲）〈女性一生ê三大課題〉（待續），chit 課講「好ta-ke」，講Ná-o-bí（拿俄美）是出名標準ê好ta-ke，理由有：1. Ná-o-bí對in新婦ê稱呼出chhùi tio̍h叫「我ê cha-bó͘囝ah」，就是款待新婦若像cha-bó͘囝；2. Ná-o-bí真ē-hiáu青年人ê心；3. Ná-o-bí ê io孫，真正可取。Un-chō͘譯，介紹1位名人ê老母：〈Piān-ngá-bín Ōe-su-tek ê老母〉，介紹出名ê畫家Piān-ngá-bín Ōe-su-tek（Benjamin west）ê老母 Sat-la̍h Phi-lí-sùn（Sarah Pearson）ê生平記事。編輯室譯 〈好pē母ê測驗〉，pē母促進囡仔成熟應有ê態度ê測驗題14條。Ông Bêng-tō（王明道）〈糊塗ê聰明人〉，tio̍h謹記聖冊ê教示：「伊hō͘智慧ê人中ka-kī ê詭計；Hō͘詭譎ê人ê計謀緊緊敗。」人若自作聰明反轉容易崩敗。T. E. C〈我克服見笑ê經過〉，本篇是心理學家Má-hô-chu女士（Mrs. Suniti Malhotra, M. A），用過去戰勝見笑ê經驗，所寫ê自白，以及4 ê對伊有真大ê啟發ê故事。Chiā Hí-bêng（謝禧明）〈家庭kap娛樂〉，家庭中若ē-thang有一體ê娛樂，ē增加hō͘家庭中有快樂、美滿kap幸福ê氣氛，kap表現出厝內ê人合作ê精神，而且家庭ê娛樂kap教育mā有密切ê關係。Chhun Thô 〈得救〉，基督福音詩。〈Cháiⁿ -iūⁿ消除自私〉，U. C.譯，常常想別人ê優點，koh常常想ka-kī ê弱點，就ē漸漸克服「惟我自尊」ê心理；Koh最要緊ê，tio̍h有宗教ê修養，因為基督ê疼，ē鼓勵咱kap幫贊咱克服tī本性上ê自私。〈別人ê賑濟做ka-kī ê〉，社會上有人用無正當ê手段得tio̍h錢財koh提去救助sòng-hiong人或是捐助教會，che是hō͘聖神憂悶，lóng無利益，chit號ê所kiâⁿ m̄值tio̍h寡婦tôe 2厘ê誠心，所以m̄-thang hō͘ 人將無正當ê產業tôe入教會。編輯室〈趣味ê科學〉，用簡單ê動作實驗來說明人體ê重心、垂直線ê變化。E. C.〈因為Cha-lí ê緣故〉，喻道故事，講1 ê pù-lâng真好款待1 ê衫褲破爛koh破病面ê士兵，因為伊是pù-lâng ê囝Cha-lí ê朋友；所以咱ǹg上帝無論求sím-mi̍h，tio̍h 靠伊ê囝耶穌ê名來求，就beh得tio̍h。〈讚美主ê人生—詩篇71篇6節〉，Chiu Thian-lâi（周天來）譯，讚美基督救主ê福音詩。（文/Bo̍k ilī）