Chit份資料ê內容，上頭前是Chhòa Kéng-hiân牧師別世前tī病床所寫家感謝ê批，批面是Chhòa Siau Kim-chu ê謝詞。Chit期文章有：Maynard〈基督化家庭〉，So͘ Thian-bêng（蘇天明）記，實在ê基督化家庭是有上帝ê疼、pē母、bó͘囝lóng有活活、燒lō ê關係，有耶穌ê疼tī teh，家庭中對大kàu細lóng有宗教te̍k ê氣氛。T. L. C.〈男女交陪kap結婚ê問題〉，交陪為tio̍h結婚是眼前問題，是現世ê問題，交陪為tio̍h saⁿ疼是現在kàu-tī將來永遠ê問題；所以的確tio̍h積極te̍k ê疼心kap行為，來表現基督徒ê本質。〈美滿ê婚姻kap金錢〉，So͘ Thian-bêng（蘇天明）譯，1位醫學博士所提出6點婚姻中kap錢有關係ê論點：1.最底限度抑tio̍h ài有正常ê收入；2.Kap厝邊ê收入差不多；3.Kā婦人人講你ê收入偌chē；4.有可能ê時hō͘ 伊1筆錢；5.小心khai錢m̄-thang浪費；6.預防將來。〈M̄-thang kap野獸做伴〉，內容是飼獅仔做伴ê 2條故事，teh警醒人tio̍h細jī，獅仔囝ná像小罪，若kā伊飼做大惡，ē反轉hō͘ 伊傷害甚至吞食。拾稻生〈六合篇〉，chit期分享ê文章有2篇，1篇無題名：Hoat-lân-se-su（Francis of Assisi）成功ê祕訣，1篇：〈關係祈禱〉。〈你ài做chi̍t ê成功ê禁薰者抑無？〉，專家對各方面證明食薰對身體有害無益；Tī chia ài講起6種科學方法，幫贊人做chi̍t ê成功ê禁薰者，第1步：Tio̍h明白你為sím-mi̍h beh禁薰；第2步：就是tī短期中用別項ê食物來代替薰；第3步：Tú好來使用體力；第4步：無論tī任何情形lóng m̄-thang破例；第5步：Tio̍h閃避ōe引誘人食薰ê環境；第6步：Tio̍h不時設法堅固你禁薰ê決心。〈出在你愛sím-mi̍h？〉喻道故事。康樂部〈看電影〉，基督徒是tī基督來學習做人ê方式，m̄是去電影院來學習ê，所以，基督徒應該有屬靈ê目chiu，去選擇ē-tàng造就你ê人生thang來榮光上帝ê影片chiah有合真理。〈化學家〉喻道故事。Ông Bêng-tō（王明道）〈保守信用〉，Tēⁿ Chiong-in（鄭彰恩）譯，信用是1 ê人世接物最寶貝的1項事，1 ê基督徒的確tio̍h ài有信用chiah ōe thang榮耀上帝。〈囡仔ê信〉，喻道故事1篇。Sió-be̍h，無題名，喻道故事1篇。〈入天堂ê資格〉，人tio̍h m̄-thang靠ka-kī ê義，m̄信耶穌，若無，你永遠是天堂門外ê人。（文/Bo̍k ilī）