Chit份資料ê文章有：Billy Graham〈上帝所愛ê家庭〉，So͘ Hūi-hiong（蘇蕙馨）譯，起造基督化家庭要件。賀川豐彥〈囡仔ê穿衫〉，Tēⁿ Khó͘ Sèng-chu譯。〈你bōe-ōe燒我記牢ê〉，見證短文。Phêⁿ Bêng-chhong（彭明聰）〈血壓kap高血壓〉，本文是彭明聰博士對家庭醫學常識ê指導，提供各家庭讀者要緊ê醫學智識。Khioh-tiū-sūi（Khioh稻穗）〈色彩會醫治心理ê病〉。Un-chō͘ 譯〈Tī地上平安〉，靈修短文。So͘ Thian-bêng（蘇天明）〈倒床42年久：現在用kha-chiah teh kiâⁿ路〉，信徒見證。J. S.譯，〈Jiok beh食豆仔〉，喻道故事，勸人m̄-thang kan-ta追求眼前ê快樂，he有可能是魔鬼iā豆仔beh hō͘ 你tòe、hō͘ 你jiok，漸漸ē踏入危機。笑話1篇，〈偉大ê剪鈕〉，1對英國kap美國ê剪鈕仔夫婦，in tú出世ê嬰仔已經是偉大ê剪鈕仔ah。Lí Hāng〈跪無為難〉，見證分享，跪teh祈禱、替人代求，是teh接受主ê福氣，hō͘ 人得tio̍h醫治、平安，所以，跪無為難。Siang-hui〈為tio̍h 1條菜瓜〉，夫婦相處為小可事爭論，beh chóaⁿ-iūⁿ結束ê問題討論。So͘ Hūi-chin（蘇蕙蓁）譯，〈做後母ê 3要件〉，1.後母tio̍h ài了解前人囝出世ê時ê家庭狀況；2.Tio̍h kap丈夫參詳關係囝兒ê問題；3.Tio̍h用同情kap愛護ê心好款待囝兒；本文是對Home Life Journal譯。Hong-chú譯，〈中止跳舞〉，喻道教示。翻譯詩1首，H. Bonar作，〈讚美主寶貴ê名〉，Chiu Thian-lâi（周天來）譯，chit首詩是對日本ê讚美歌第258首翻譯。（文/Bo̍k ilī）