Chit份資料ê內容有：亞洲基督教藝術圖畫1幅，消息3條，文章5篇，笑詼2篇，兒童祈禱文2篇。其中，消息報導有：〈教會ǹg 228受難者會失禮〉。〈長老教會今年主題〉，今年主題是『學習真理，實踐主訓』。〈1990世界公禱日〉。後面專欄是氣象台，Chiu Kim-choân（周金全）〈因為咱無好ê見證〉，講1 ê社會大部分ê人lóng　teh做ê pháiⁿ tāi，hit-ê社會ê人就差不多bē感覺tio̍h án-ne做有siáⁿ-mih無妥當，因為chia-ê人lóng án-ne mah！所以，買票、賣票、簽『大家樂』、坐車免排隊、糞埽凊彩倒、起厝偷工減料、做代誌送紅包......等等，lóng無siáⁿ-mih罪惡感，基督徒tī chit種社會風氣下面，若道理聽無入耳，真理信無入心，就ē kap社會上大部分人仝款對chiah-ê pháiⁿ無罪惡感，koh仝款自然teh做chia-ê pháiⁿ代誌，che就是基督徒無好ê見證。本期主題，〈台灣人ê好風俗〉，本文是是對日本人Phiàn-kong Giâm（片岡巖）所寫ê《Tâi-oân hong-sio̍k chì（台灣風俗誌）》內面ê 1章〈台灣人ê好風俗〉節要編譯ê，是大約70年前日本人所看ê台灣風俗。Koh來是「Á-tah á-tah笑話」 2篇：〈Siuⁿ-tn̂g（傷長）〉、〈衛生署長〉。環保議題2篇，〈節約用水ê方法〉。〈洗碗用麵粉，安全koh省本〉。兒童祈禱文2篇：教lín ê孫仔祈禱 Khu Sìn-tián（邱信典）輯，〈細囝ê祈禱〉。靈修，印度．羅摩基士拿著〈Lóng是hâ（縖）腰布害ê！〉。（文/Bo̍k ilī）