Chit份資料ê內容是tī陳金然牧師過身20週年ê 1987年3月17日所出版ê紀念輯，遺族有鍾子時、陳琼（瓊）花、陳効桓、陳効鉏、陳効贊；內文分做3部份，第1部份是「生平留影」，上頭前是生平略歷、對第3～11頁是故人ê相片、第12、13頁是陳金然牧師講道手稿ê影印本。第2部份是「追念詞」，有當時總會議長楊清源ê題詞， koh有文章10篇、詩1首：蘇天明〈功在台灣教會〉、歐進安〈上帝忠僕陳金然牧師〉、徐育鄰〈懷念恩師〉、翁恭修〈懷念一位忠牧良師〉、劉錫惠〈所懷念的陳金然牧師〉、葉媽識〈追念陳金然牧師〉、鍾子時kap陳瓊花〈追思〉、許溢深〈我所認識的陳金然牧師〉、賴登山〈回顧與懷念〉、何耀坤〈懷念陳金然牧師〉、高涂士淑〈懷念陳金然牧師），蘇天明等牧師、長老所寫ê文章，siàu念陳金然牧師ê優秀、伊ê做人、信仰模範、家庭教育等，全部文章lóng是中文書寫，其中，陳子時、陳瓊花ê〈追思〉，是台語書寫ê詩，有台語羅馬字kap漢字對照，用手寫稿影印方式呈現，內文主要講cha-bó͘囝印象中ê牧師pâ一生ê簡歷，牧會、教職ê經歷，tī上尾段提起ka-kī因為真òaⁿ 結婚所致pē母bōe-thang赴婚式，思親20年ê心酸，期待後日團圓在天ê ǹg望。第3部份是對陳金然牧師遺稿整理ê「講章綱要」，選錄11篇，內文全部lóng改寫做中文。（文/Bo̍k ilī）