Chit份資料ê內容是翻譯ê喻道故事，lóng總24篇，有ê是喻道故事，比如：〈Hō͘ pa-pa ê禮物〉，講1 ê孤苦無依倚ê囡仔，為tio̍h老母臨終ê交代去探監beh送pa-pa聖誕禮物，後來hō͘管理員暫時收養、老pē也大悔改koh信主ê故事。〈Che就是我ê聖誕禮物〉，講1 ê cha-bó͘囡仔賣身做奴隸ê價金做聖誕禮物奉獻hō͘主ê故事。〈基督若無來〉，講起tī外國bat發行1款特色ê 聖誕卡片，題目號做「基督若無來。」chit-ê題目是引用咱ê 救主所bat講：「設使我若無來」chit句話；卡片ê內容是teh描寫1位牧師tī聖誕節ê清早夢見伊tiàm tī耶穌bē-bat臨kàu ê世界。〈1粒soān石換1本聖經〉，講1 ê阿拉伯ê王子A-pok-to͘ Kiat-hàn，因為改教信主對尊貴ê阿拉伯王子變做上帝ê奴僕，變成為主做工ê人ê故事。其中也有用聖經人物做故事主角，〈你也tī hia mah〉，chit-ê故事是根據1 tè古老ê傳說，che是羅馬ê總督本丟彼拉多，將無罪ê耶穌定死罪，心無平安，tī耶穌受釘tī十字架hit日ē- po͘所講ê話，是伊tùi伊ê 婦人人所講ê。〈Pa-lia̍p-pa〉，故事主角「巴拉巴」就是耶穌代替伊受釘十字架酷刑ê hit-ê大強盜，出獄了後，去kàu各各他山頂，流目屎認罪、悔改，koh聽tio̍h聲音講：「上帝疼世間人，甚至將伊ê獨生子賞賜世間，hō͘ 見若信伊ê人bē沈淪ē得tio̍h永活。」，伊知伊有得tio̍h赦免，心就有平安。也有ê是見證實例，比如：〈極奇妙ê能力〉，是佈道家Hui-ní見證伊tú-tio̍h 1 ê講伊手bak血，傷害chē-chē人kap ka-têng ê人，án-chóaⁿ悔改，也毁壞伊親手建置ê酒店、kiáu間，koh ǹg伊ê親人會失禮，為tio̍h進前對in ê傷害來認錯，後來全心歸向上帝真實ê見證。本資料所翻譯ê故事有部份也bat刊載tī台灣宣道社所發行ê期刊雜誌。（文/Bo̍k ilī）