Chit份資料是台譯ê宗教小說，背景tī英國倫敦，內容是講1 ê名叫Lek-sī-ka ê cha-bó͘囡仔，老母好酒對伊phah罵khah chē照顧，in屈身tī糞埽埕邊仔ê 1間破舊馬廄ê樓閣，無椅、無桌、無眠床，雖罔sòng-hiong、衫褲破爛、3頓無得飽，koh不時受欺負、恥笑，總是靈巧ê Lek-sī-ka iû-goân保有純真、誠實ê心靈；1位顧禮拜堂偷兼差賣茶餅ê Tán-lí，有時仔ē招待伊一寡賣chhun ê餅kap茶，hō͘ Lek-sī-ka thang tī火爐邊享用短暫ê溫暖kap 淡薄ê chia̍h-mi̍h；有1 pái無意中，Lek-sī-ka tòe Tán-lí kha-chiah 後偷偷入禮拜堂，後來，意外熟似牧師ê 2 ê cha-bó͘ 囝，chiah koh得tio̍h牧師憐憫thang hō͘ 伊kap人做伙禮拜，領受福音真理；Tán-lí 對Lek-sī-ka身上看見初初認識上帝ê Lek-sī-ka，soah有基督教理ê實踐，心受振動，也得tio̍h啟示；後來Tán-lí因為真chē日lóng無看Lek-sī-ka來茶餅擔，非常掛心，去chhōe牧師探聽伊ê住所，專工過去探視，chia̍h知Lek-sī-ka，破病真重。故事kàu chia，內容未完。（文/Bo̍k ilī）