Chit份資料ê內容是萬丹教會為tio̍h beh hō͘教會chiâⁿ做社區推動母語ê中心，所編寫ê教材；編者是教會ê長老，重新編chit本「母語字音課本」是採用教會羅馬字母做福佬話音記載ê方法，編者認為羅馬字母非常方便，也真齊備，國內外ê人，學習lóng真方便，羅馬字母koh ē-tàng描寫福佬話任何ê音，所以beh促進福佬母語ê學習，必須教音標。教材內容第1單元教母音、第2單元教子音，主要用羅馬字字母搭配漢字舉例kap中文說明發音方式，單母音有注音符號輔助唸法；第3單元：輕聲，chit-ê單元是介紹，字尾呈現「-h、-p、-t、-k」入聲ê部份；第4單元：特殊音，chit-ê單元是鼻母音kap鼻母音入聲ê介紹；第5單元是母音、子音ê綜合拼音練習，也有搭配漢字舉例；第6單元介紹羅馬字聲調kap調符，也有搭配漢字舉例；第7單元介紹台語變調ê原則；後面對38頁～60頁是練習，lóng是有押韻ê唸謠抑是歌詩，lóng總有24首。（文/Bo̍k ilī）