Chit份資料ê內容主要分做5章teh紹介基督教tī台灣佈教ê簡史kap略策，其中第一章：戰前ê宣教，對1865年6月15日，英國長老教會宣教會tī南部開始宣教，7年後（1872年），加拿代長老教會tī北部宣教講起，本章列出重要年表、發展經過kap分佈、長老教會ê獨佔，以及檢討宣道會ê成功kap失敗。第二章：戰後ê宣教，是空前ê機會kap發展，tī chit-ê時期也開始高山傳道開拓，而且教派泛濫，mā 講tio̍h青年運動kap T.K.C.等。第三章：宣教上ê阻礙，其中有講tio̍h外教歧視kap舊宗教ê壓迫、寺廟再見，迷信重興、經濟生活困難、教派ê泛濫、外人行為、封建解放、禮拜日ê功用、信徒ê行為kap會內ê紛爭等問題。第四章：今後ê傳道方策，也是本冊重點所講有幾項議題：1.基本方策、2.農村傳道、3.職域傳道、4.病院傳道、5.盲人傳道、6.監獄傳道、7.學生傳道、8.婦人傳道、9.高山傳道、10.客庄傳道、11.外省傳道等。第五章：結論。本冊作者ǹg望chiah-ê資料kap方案，經過各方面ê見解修補了後，ē-thang chiâⁿ做「台灣ê宣教」ê文獻，ǹg望thang喚起世界對台灣宣教ê注目，來kap咱有份tī chit-ê台灣宣教ê大業；另外一方面thang做台灣本身宣教ê決策。（文/Bo̍k ilī）