Chit份資料ê內容原著是Oswald J. Smith博士《THE PASSION OF SOULS》ê台譯本，teh講傳福音kap復興ê重要性。作者tī本文勉勵基督ê信徒tio̍h ó͘-ku̍t（挖掘）ka-kī ê內心，懇切chhōe求至上ê呼召；對祈禱koh實行tī生活中對上帝ê順服，對上帝ê信仰有熱情，將一切排tī上帝ê面前，thang看tio̍h靈魂ê救贖，hō͘聖靈通過咱來實現復興，得勝ê靈魂，充滿熱情做傳福音ê工kap復興ê使命。本文第一章講：撒旦ê失敗。第二章是：Tī懸樹頂做工ê人。第三章：Sím-mi̍h是教會至上ê工作？分做：世界、至上、教會、是cháiⁿ-iūⁿ做chiâⁿ ê？幾ê主題討論。第四章：上帝cháiⁿ-iūⁿ叫我做世界傳道ê工，主題有：我kám thang tiāⁿ-tiāⁿ tòa加拿大、我想ài出去、我送代理ê人出去、koh來ê鄉鎮、世界是做工ê所在、排tī後面ê人、Tat-hok博士ê講道。第五章：福音iáu-bē傳到全世界以前耶穌kám會koh來？第六章：咱kap異教ê作戰ē得勝bē? 第七章：Siáⁿ事教ē對世界ê傳道失敗，有講7項：第一，因為有福音ê對敵、第二，因為咱強調教育、第三，因為chē-chē 所在關門、第四，咱無派夠額ê教師、第五，因為咱無學保羅ê方法、第六，因為無信，異邦lóng沉淪kap第七，m̄-thang koh失敗。（文/Bo̍k ilī）