Chit份資料ê內容，第一章介紹澎湖ê地理kap氣象、地勢、地質、產業、民情、教育、醫療kap宗教。第二章講起基督教ê傳道，就是對1886年6月6日甘為霖牧師（Rev. William Campbell）上代先來澎湖宣教試傳福音，了後，伊就建議南部大會將聖餐獻金做澎湖宣道ê路用，也差人去澎湖繼續傳道ê事工，chhōe機會設教會，是澎湖宣道會ê成立；chit章也有提起tio̍h tī宣教上ê所 tú-tio̍h ê迫害kap困難；另外koh講起tī澎湖宣教ê歷程當中所見證主親身作為ê神蹟，就是1919年tī澎湖ê大嶼，上帝通過童乩夏宰用神蹟奇事ê方式引chohā大嶼ê夏姓kap相關家族來歸主基督ê見證故事。第三章講起澎湖各教會ê成立。第四章是教會復興kap祈禱山，主要宣道事工ê進行kap功效，有教會復興、全澎歸主傳道旅行、台灣母會ê關心kap澎僑ê反應、澎僑ê反應、醫療傳道旅行kap專務祈禱傳道等報告。最後，第五章是見證，總共有40篇見證文，就是澎湖各教會信徒ê歸主見證、生活見證kap信仰見證等。（文/Bo̍k ilī）