Chit份資料是拆頁書，其中ê內容，有靈修、教理教示ê文章有5篇：T. U. C.譯，〈Lín就是我ê干證〉，每1 ê基督徒lóng是耶穌基督ê干證。Chan Siù-hōng（曾秀鳯）〈理想ê婦人人〉，理想ê婦人人就是：有才德ê、有勤勉ê、有慈心ê、講有價值ê話ê、敬畏耶和華ê。Chiu Thian-lâi（周天來）〈信仰生活ê根基〉。Un-chō͘〈試煉變做勝利〉。Tân Kim-jiân（陳金然）〈拆厝頂hō͘ i 規空〉。基督徒生活指導1篇，Hân-sim〈基督徒青年ê娛樂〉（待續），見若ē妨害ka-kī tī基督內面ê長進，koh ē削弱為tio̍h主得tio̍h人ê力量ê事lóng tio̍h離開遠遠，基督徒tī chit款事是無選擇餘地。育兒常識1篇，〈1歲kàu 7歲ê幼兒ê發育測驗〉(1)。喻道故事、見證分享做教理教示ê文章4篇：Pau-ōe-ní〈船長iáu-bē祈禱〉，1 chiah hō͘大風浪攻破ê船，tī teh beh沉落海中ê危急時刻，少年船員要求船長tio̍h為in做最後ê祈禱，後來親像奇蹟kui-chiah船lóng得救ê喻道故事。〈粗心賣藥ê〉，1 ê無用心經營藥店koh烏白賣藥hō͘人ê藥店頭家，粗心ê行為反tńg耽誤後生ê病情ê喻道故事。〈烏道頭人悔改〉，記者訪問tī南投1 ê烏道老大悔改ê見證故事。Phoaⁿ Kài-jîn〈是主美好ê旨意〉，To͘-ka記chit位信徒ê見證。（文/Bo̍k ilī）