Chit份資料ê內容是1本學習廈門白話ê英文教科書，是對A. L. Warnshuis牧師所編著ê第一版進行增補再發行，課程內容主要運用羅馬字對廈門白話ê元音、複母音、輔音、鼻音、聲調、變調……kàu詞性介紹kap運用，系統性ê講解；新版本裡，課程ê數量有增加，詞彙量mā khah ke，單詞列表也有khah斟酌修改，課程後面koh ke編寫譬如短句、短文ê唸讀、翻譯練習等等宿題kap練習材料，而且tī課程裡ê註釋koh 加添相關語法kap學習建議，thang hō͘ 學習者複習kap練習；Ǹg望提供外國人運用羅馬字來學習廈門白話，hō͘學習效率提升，也希望第二版ē-thang hō͘ beh khah緊、khah輕鬆koh正確講廈門話ê學習者提供幫贊。另外，tī本冊後面附雙語雙用ê「通用詞彙」對照表，單詞後面有數字，是表示hit-ê單詞ê詞彙tī 頭前ê 課程裡所出現ê所在kap in使用ê意義，chit-ê詞彙表主要teh 提供做課程中所用單詞ê現成索引，hō͘使用者khah輕鬆、方便ê引用。（文/Bo̍k ilī）