Chit份資料ê內容有：Un-chō͘，幸福家庭講座：〈婚後經濟ê處理〉，青年雙方論婚姻ê時，也tio̍h ài為婚後供給家庭、培養囝兒等等ê問題開始phah算；「愛情kap麵包」，2項lóng需要，照經驗守則來看：「金錢」是美滿家庭所bōe用tit欠ê。I. H.〈Teh睏ê時siáⁿ事感覺厭siān？〉，衛教常識。Khu-lín〈Cháiⁿ-iūⁿ建立融合ê姻親關係〉（待續），作者是美國婚姻問題專家kap家庭改造顧問，照伊調解ê經驗，綜納幾項問題kap提出參考意見；Chit期討論ê問題有：1.Sím-mi̍h是婚後家庭間磨擦ê基本原因？2. Cháiⁿ-iūⁿ hō͘婚後ê家庭間ê關係良好？3.Sím-mi̍h人是家庭間製造糾紛上chōe ê人？Siang-hui〈色緻ê表現〉，對色緻ê偏愛，有顯出ta̍k ê人個性ê差異，也ē表現出ta̍k人ê性格。Un-chō͘，介紹基督教出名ê婦女：〈Hui-ní Má-ka lé-tek (2)〉，介紹英格蘭貴格會ê出名ê婦女：Hui-ní Má-ka lé-tek (1) ê生平記事。資料室〈老人ê生活守則〉，beh ē-thang長歲壽ê生活守則13條。Iûⁿ Hûn-liông（楊雲龍）〈基督教孝道（2）〉，iú孝pē母也是基督教ê信條，做sī細ê基督徒tio̍h守所信仰ê，遵kiâⁿ上主ê教示，tio̍h孝敬pē母做建設基督化家庭ê基礎。T. J. H.〈囡仔chhōa尿cháiⁿ-iūⁿ辦？〉，育兒、衛教常識。Jû-hūi譯〈幸福婚姻ê祕訣〉（待續），真實ê愛情故事，tī任何物件lóng受打擊kàu粉碎無ǹg望ê環境ê下面，真實ê愛情soah反轉khah進展。Chiau-éng〈康樂遊藝〉，提供康樂遊藝3條。Lú-bí〈Beh cháiⁿ-iūⁿ建立pē母ê威信〉，做pē母ê ka-kī tio̍h代先做好ê模樣，對chit-ê基礎所建立起來ê威信，chiah是真正ê威信，也只有tī chit款ê基礎頂關心囡仔，處理囡仔ê問題，chiah是正確。Chiong-in（鄭彰恩）〈借物件〉，若m̄是不得已m̄-thang kā人借，條列借物件tio̍h注意ê代誌。An-seng〈弓蕉ōe thang醫病〉，根據科學家所分析弓蕉ê成份，其中有利益tī幾種病症ê療治ê成份。（文/Bo̍k ilī）