台語譯文： 朱為白（1929–2018）原名武順，出世佇中國南京，厝內三代攏做裁縫，影響著伊後來創作的作品。1953年入去廖繼春（1902–1976）的「雲和畫室」學習素描、水彩佮油畫。1954年佇李仲生（1912–1984）門下學畫圖，1958年正式成做「東方畫會」的成員。1970到1980年代，以柴刻版畫來表達心目中的理想國，尾仔轉來做抽象的創作，用刀仔剪仔佇布料面頂經營空間構圖來表達禪意，以「刀剪精神（to-tsián tsing-sîn）」出名。 這个作品遠遠看親像是插濫、無意義的線條，正手爿倚中央的主體遐會當看做是網路（bāng-lōo）的架仔抑是人形（lâng-hîng），四散出來的殕色、烏色、白色、紅色，一條一條的物件佮相交纏的線結，袂輸是當咧接受抑是傳輸正爿的幼線所傳導的資訊。這款膏膏纏、茹氅氅的線條表現出作者對網路世界內底資訊大爆炸（tsu-sìn　tuā-po̍k-tsà）的看法。紅線有可能代表熱線（jia̍t/lia̍t-suànn），白線的意思是落線（lo̍h-suànn），就算有的人無咧用網路，猶是會予這線一直接咧牽咧。畫面的底色是烏色，線條佮布條是較淺色的紅色、白色、殕色和烏色，烏殕的底色誠明顯有抿一重薄薄的白霧，不而過伊色階的變化較無遮清楚，所以顛倒共每一色的線條彼款茹絞絞、焦心擘腹的感受蔭甲明明明；無就是，作者有意無意共各種色的線條固定佇真有深度空間暗示性的化色背景內面，用按呢來暗示插雜（tshap-tsa̍p）毋過真有次序的藝術感受。 出處：王雅玲，國立臺灣美術館典藏詮釋資料，2025。 朱為白（1929–2018）原名武順，生於中國南京，家中三代從事裁縫，影響他後續作品創作。1953年進入廖繼春（1902–1976）的「雲和畫室」學習素描、水彩及油畫。1954年於李仲生（1912–1984）門下習畫，1958年正式成為「東方畫會」一員。1970至1980年代，以木刻版畫傳遞心中理想國，其後回到抽象創作，以刀剪在布匹上經營空間構圖表達禪意，以「刀剪精神」聞名於世。 此作品遠看像是無意義的混雜線條，右側靠中央的主體部分可看作網路的支架抑或人型，分散出來的灰黑白紅條狀物及交織纏繞的線團，彷彿正在接受或傳輸右邊的細線所傳導的資訊。這種錯綜複雜、雜亂無章的線條表現出了作者對於網路世界中資訊大爆炸的看法。紅線有可能代表著熱線，白線意思為離線，即使人們沒有在使用網路，但無選擇性的被一直連接牽引著。畫面底色為黑色，線條與布條以為偏淺色調的紅、白、灰與黑色，灰黑的底色上有明顯的薄霧狀刷白，惟其色階變化較淺淡，因此能映襯出各色線條的凌亂不安的焦慮感受；又或者是，作者有意無意地將各色線條固定在富含深度空間暗示性的漸層背景之中，藉以暗示亂中有序的藝術感受。 出處：翁瑄孺，國立臺灣美術館典藏詮釋資料，2022。