台語譯文： 佇〈花好月圓〉內底，吳學讓用齊勻的墨色線條（ba̍k-sik suànn-tiâu）共畫面當中的五个色塊連做伙，予畫面遠遠看過去是隔開獨立的，倚近看是密密相連，簡化過的符碼（hû-má）佮幾何圖形（kí-hô tôo-hîng）聚集佇一个若簾簷跤的空間內底，產生搝搝搦搦（giú-giú-la̍k-la̍k）、相𤲍相櫼（sio-kheh-sio-tsinn）的情緒佮活龍龍的氣氛。吳學讓一世人的創作，行過對新時代、新文化的挑戰，嘛反映過伊對遠鄉、對身邊人物社會的情懷，雖然注重探索現代抽象水墨造形佮風格，毋過，伊閣較要緊作品會當全然忠實反映以人為本（í jîn/lîn uî pún）的生活佮歷史。親像這件作品，咱會當看著伊年歲遮大，猶是用這件作品真純真來表現家庭（ka-tîng）的快樂圓滿。 出處：王雅玲，國立臺灣美術館典藏詮釋資料，2025。 在〈花好月圓〉中，吳學讓以均質的墨色線條將畫面中五個色塊串聯，讓畫面在遠看時是區隔獨立的，近看時是緊密相連的，簡約過的符碼與幾何圖形被凝聚在如屋簷下的一個空間中，有了彼此拉扯推擠的情緒與蓬勃生氣。吳學讓一生的創作走過對新時代、新文化的挑戰，反映過對遠鄉、對身邊人物社會的情懷，雖注重探索現代抽象水墨造形語彙，更不忘其作品能充分忠實地反映以人為本的生活、歷史。一如本件作品，能看到已耄耋之年的他以此件作品純真地反應了家的快樂圓滿。 出處：林熙芸，國立臺灣美術館典藏詮釋資料，2018。