台語譯文： 這件作品的主角，是西洋童話（tông-uē）故事內面永遠袂大漢的囡仔兄—小飛俠（Sió-hui-kiap）彼得潘（Pí-tik Phuan）。伊身騎放萬倍大的鹿角龜、剪仔龜、虎頭蜂、牛角𨂿仔、田嬰（tshân-enn/inn），徛東南西北中五个角勢，守護藝術家心目中美麗的奇幻島（kî-huàn-tó）；同齊護持、做伙跳舞的，閣有本底搬演反派的角色、互相做對頭的虎克（Hóo-khik）船長佮鱷魚（kho̍k-hî）。佇這款理想國的昇平樂土，彼得潘純真無敵的熱情，來自創作者藏佇心肝底毋捌變老、猶若囡仔的青春心情（sim-tsiânn）。對早期對抗社政威權到這馬的奇幻世界，藝術家追求改變世界的意念猶原活跳跳，干焦是無繼續徛佇反背的彼位，改換做澈底敨放囡仔時代的奇想，用一个家己想出來的完美結局，滿足心內永遠無夠氣的樂園夢想。 賴欣宜，國立臺灣美術館典藏詮釋資料，2025。 本作的主角，是西方童話故事中永遠不會長大的男孩小飛俠彼得潘。他騎著放大成萬倍的獨角仙、鍬形蟲、大黃蜂、星天牛、大蜻蜓，分據東南西北中五個方位，守護著藝術家心目中美麗的奇幻島；一起護持共舞的，還有原本扮演反派角色且互為寇讎的虎克船長與鱷魚。在這個烏托邦式的昇平樂土中，彼得潘純真無敵的熱情，來自創作者隱藏在內心深處不曾老去的青春赤子心。從早期對抗社政威權到現在的奇幻世界，藝術家追求改變世界的意念仍鮮活跳躍，只是他不再站在反叛的位置，而是徹底釋放童年奇想，以一個臆造的完美結局，滿足心中永遠匱乏的樂園夢想。出處：蔡昭儀，《臺灣美術家「刺客列傳」四年級生.1951-1960》，臺中：國立臺灣美術館，2014，頁54。