台語譯文： 這幅圖是1933（癸酉）年畫的，可見劉子源佇1930年代猶蹛咧臺中。這張畫主要是描畫穿一軀官服（kuann-ho̍k），頭頂戴親像唐朝襆頭（pok-thâu）的大官，坐踮予衫袍崁牢咧的椅頭仔頂，看著誠有氣慨（khì-khài）、誠有自信的款。雙爿邊是滿面笑容的囡仔佮老大人圍倚咧，尻脊後一个查某𡢃仔（tsa-bóo-kán-á）抑是妻妾（tshe-tshiap）），雙手攑一支鴨卵形、長柄大支的薄紗仔扇（po̍h-se-á-sìnn），綴佇邊仔服侍（ho̍k-sāi）。這个畫面看著氣氛是誠歡喜佮顯貴。題材雖然真傳統（thuân-thóng），佮現代的生活較無遐搭峇（tah-bā），毋過筆墨和造形攏袂凊彩，連大支紗仔扇彼款透光的感覺攏有表現出來。因為伊嘛真𠢕寫詩，所以凡勢伊毋但是一般的民俗畫師爾爾；而且這幅圖的水準，嘛毋是普通彼款家己畫、家己欣賞的業餘畫家有才調畫的。題字內底有講著「東墩客次」這个詞，若像說明伊檢采毋是臺中在地人。 出處：王雅玲，國立臺灣美術館典藏詮釋資料，2025。 此圖作於1933（癸酉）年，顯然劉子源在1930 年代仍居住在臺中。此畫主要描繪一身穿官服，頭上戴著類似唐朝幞頭的達官，似乎大馬金刀而充滿信心的坐在為衣袍所遮覆地椅凳上。兩旁簇擁著其充滿著開心笑顏的孩童和年長父老，背後一侍女（或妻妾）雙手豎握著一把橢圓形薄紗質長柄大扇子，隨侍在側。畫面充滿著歡樂和顯貴的氣氛。題材雖然傳統而疏離時代生活，但是其筆墨和造形都不含糊，連大紗扇透明感都有相當程度的表現。由於他也擅長作詩，因此可能其身分非一般民俗畫師；而且此畫水準也非一般風雅自賞的業餘名士畫家所易於達到。其題識中提到「東墩客次」一語，似乎說明他可能不是臺中土生土長者。 題識：富貴圖。 癸酉小春於東墩客次。 劉子源筆。 鈐印：「子源」朱文印，「劉明淵印」白文印。 出處：黃冬富，國立臺灣美術館典藏詮釋資料，2022。