台語譯文： 葉火城的創作因為受著石川欽一郎的影響，強調實地、實物的寫生（siá-sing）精神，伊畫圖的題材，早期注重人物佮靜物的主題，筆觸幼膩恬靜。戰後，改畫風景較濟，風景的題材方面，伊主要攏咧研究色彩佮性質的表現，畫技那練、嘛綴咧那有信心，筆觸閣較飄撇自由，特別針對建築物、岩石、橋樑、山岩等等的對象，定定攏會用較厚漆，嘛佮意用畫刀，而且筆觸的表現嘛較整齊，通予物件的質感加較有份量佮堅實，毋過若是咧畫天頂、流水、海洋佮樹林等等，就會較薄漆，落筆較輕、用暖色調，嘛予色彩佮皮肉毋但干焦調和，閣有趣味佮變化。〈朝〉這件作品，是畫早時仔窗仔（tháng-á）外後埕（āu-tiânn）的風景佮窗仔墘頂面的靜物，近景窗仔邊桌頂的靜物、埕裡的植物（si̍t-bu̍t）佮遠景的厝，形成一重一重有深度的空間安排，原來可能是刁工共厝內囡仔的𨑨迌物仔—飛行機（hue-lîng-ki）、船（tsûn）佮戰車（tsiàn-tshia）模型提來排，彼當陣戰爭（tsiàn-tsing）的氣氛，這个創作予人聯想著作者是欲暗示戰爭的時局，用平靜的後埕佮戰事動亂的強烈對比，來表達畫家彼時配合「臺灣總督府美術展覽會」時局色彩（sî-kio̍k sik-tshái）彼款矛盾（mâu-tún）的心情。 出處：賴欣宜，114年國家語言推廣經典作品多元語言詮釋轉譯計畫，2025 葉火城在創作上因受石川欽一郎影響，強調實地、實物寫生精神，在繪畫題材上，早期著重在人物與靜物主題，筆觸細緻恬靜。戰後，轉以風景畫為主，在風景題材上，以色彩與質感之表現為主要研究課題，隨著畫技的歷練與信心的增長，筆觸更為灑脫自由，特別在建築物、岩石、橋樑、山岩等對象上常採厚塗方式，並喜愛運用畫刀，且筆觸的表現上會較為工整，以增加物件的量感與堅實的質感，但在天空、流水、海洋及樹林等之表現上，則採較為薄塗、筆調輕盈及暖色調，並使色彩與肌理在調和中富有趣味變化。(朝)此件作品在清晨時分以窗外庭院的風景，與窗台前靜物為描寫對象，近景窗邊桌上靜物、庭院植物與遠景房,屋形成深度空間漸次的鋪陳，原來可能是家中小孩玩具的飛機、船與坦克車模型的刻意擺設，在當時戰爭的氛圍中，創作令人聯想到作者以此來暗示戰爭時局的情形，用靜謐庭院與戰事騷動的強烈對比，來表達畫家當時配合「台灣總督府美術展覽會」時局色彩的矛盾心情。出處：薛燕玲，國立臺灣美術館典藏詮釋資料，2012。