台語譯文： 黃金樹，1929年出世佇臺灣宜蘭，讀初中的時，𪜶兄哥送伊一台舊相機佮放大機，自按呢開始對攝影有興趣。1951年入去淡江文理學院（今淡江大學）讀冊，出業了後擔任《中華日報》攝影記者，奉派駐日，1961年入去日本大學藝術學部攝影學系，做金丸重嶺佮木村伊兵衛的學生。1963年轉來臺灣佇臺北美而廉畫廊舉辦頭一擺個人的攝影展。1978年閣再佇國立歷史博物館展出個展。黃金樹上𠢕就是報導、旅遊佮唯美這寡風格的相片，從到今捌創作《古都》、《雪地》、《台灣鄉土》、《中國河山》、《天鵝之歌》等等的系列，各地都有個展，包括東京、香港、北京、俄國等地。捌擔任日本五條特產株式會社社長，中國攝影學會駐日代表，並且有中國攝影學會佮亞洲攝影學會的榮譽博學會士資格。 〈挽面(No.32)〉是1951年翕的，意思是講，這个作品是黃金樹做學生的時的作品，彼時伊已經參與各種攝影社團和影展比賽，受著寫實風格（siá-si̍t hong-keh）的影響，四界去翕在地的鄉土民情（hiong-thóo　bîn-tsîng）。「挽面」（bán-bīn）是一種民間傳統（thuân-thóng）美容（bí-iông）的方式，共幼線相交叉做鉸刀形，用喙齒佮指頭仔固定絲線共面頂的苦毛仔（khóo-mn̂g-á）挽予清氣。這張相片焦點集中佇女性（lú/lí-sìng）挽面的表情，師傅佮予人挽面的人攏真注神，邊仔有婦女佮囡仔圍倚來看，竹圍仔（tik-uî-á）佮竹籠仔予咱看著早期台灣生活的情形。畫面倒爿頂仔翕著一个揹相機的查埔人半爿身，予咱知影這張相片凡勢是攝影團體抑是愛翕相的朋友相招出門攝影所翕著的畫面。 出處：賴欣宜，國立臺灣美術館典藏詮釋資料，2025。 　　黃金樹，1929年出生於台灣宜蘭，初中獲得兄長贈與舊相機與放大機，對攝影產生興趣。1951年入淡江文理學院（今淡江大學），畢業後擔任《中華日報》攝影記者並奉派駐日，1961年入日本大學藝術學部攝影學系受教於金丸重嶺與木村伊兵衛。1963年回台於台北美而廉畫廊舉辦第一次個人攝影展。1978年再於國立歷史博物館展出個展。黃金樹以報導、旅遊和唯美風格見長，歷來曾創作「古都」、「雪地」、「台灣鄉土」、「中國河山」、「天鵝之歌」等系列，個展遍歷東京、香港、北京、俄國等地。曾任日本五條特產株式會社社長，中國攝影學會駐日代表，並擁有中國攝影學會及亞洲攝影學會之榮譽博學會士資格。 　　《挽面(No.32)》攝於1951年，意味著此乃黃金樹學生時期作品，當時的他已經參與各種攝影社團與影展比賽，並受寫實風格影響，拍攝各地鄉土民情。「挽面」為一種民間傳統美容方式，將細線交叉成剪刀狀，用牙齒和手指固定絲線絞去臉上汗毛。這張照片聚焦在女性挽面的神情，師傅與被挽面者皆專注凝神，周邊有婦女與小孩圍觀，竹籬笆與竹簍揭示了早期台灣生活氛圍。畫面左上角有一揹相機男子局部入鏡，透露這張照片可能為攝影團體或同好結伴外拍所獵影到的畫面。 出處：陳佳琦，國立臺灣美術館典藏詮釋資料，2021。