台語譯文： 「鹿」佮「祿」仝音，青松（tshing-siông）歲寒不凋（suè hân put tiau）是長壽的象徵，傳統繪畫定定嘛兼取伊祥瑞的意涵。松鹿圖（siông-lo̍k-tôo）嘛是林玉山常在表現的畫題，普通攏是佇松林（siông-nâ）內底四界遊的鹿仔（lo̍k-á），〈鹿苑長春〉就是這款題材，毋過構圖佮表現加真曠闊大範，尤其空間的佈局真用心，前景坦橫的老松柏欉差不多占規个畫面去，毋但隨予觀眾注意著，嘛有引𤆬視線的作用，共觀眾的目光閣牽去看彼對徛佇青翠嶺頂的鹿仔，閣看會著後壁離真遠的山頭。畫內面的松仔（tshîng-á）力量飽滇，用無數條長長短短的飛白線條，描畫健欉粗勇的樹身佮厚閣𠕇的樹皮，用焦墨一筆一筆共松柏鬚畫甲密喌喌（ba̍t-tsiuh-tsiuh），發出天地開闊、自強堅持的性命力。畫家畫這幅圖彼陣已經高齡八十九，練達的筆墨表現佮有象徵意味的構圖元素，予咱敢若看著林玉山安然淡泊（tām-po̍k）、食老顛倒勇的屈勢。 出處：賴欣宜，國立臺灣美術館典藏詮釋資料，2025。 「鹿」與「祿」諧音，青松歲寒不凋象徵長壽，傳統繪畫常兼取其祥瑞的寓意。松鹿圖亦是林玉山經常表現的畫題，一般多為松林裡的遊鹿，〈鹿苑長春〉題材相同但構圖與表現更加寬闊大氣，尤其是精心的空間經營，前景的老松幾乎橫貫了全畫幅，不僅立刻抓住觀眾的目光也成為視線的引導，將觀者目光再帶往並立於茵綠山頭的雙鹿，後方則是遠山隔空再望。畫中松樹充滿力量，以無數或長或短的飛白線條描繪健勁樹幹與厚硬樹皮，焦墨細刷讓松針生得密實，散發著俯仰天地自強不息的生命力。完成此畫畫家高齡已八十有九，練達的筆墨表現與象徵意味構圖元素，某種程度映現出林玉山恬淡安定、老而彌堅的精神。出處：陳苑禎，國立臺灣美術館典藏詮釋資料，2012。