台語譯文： 飼牛囡仔（tshī-gû gín-á）咧騎水牛（tsuí-gû）真清閒，據在牛共伊載咧行，伊坦邊身歕𥰔仔，一隻鳥仔輕輕佇伊邊仔共應聲。這是一幅農業社會（lông-gia̍p siā-huē）生活的紀錄，這款畫草地風光（tsháu-tē/tuē hong-kng）佮農家生活情景的題材，佇1940佮1950年代誠時行，為彼个食苦當做食補、歡喜做甘願受的時代留下無數予人感動的見證。這件作品的構圖豐富密實，刻畫甲真幼膩，用整體景物的安排，照順序共行佇田岸路的飼牛囡仔佮水牛、水田、照落來的日頭光、遠遠的山，憑頭（pîn-thâu）相疊（sio-tha̍h）層次分明，全然掌握空間的深度，毋但對景物有寫實的描寫，閣加添淡薄仔詩意，有影觸著觀者的心肝穎，畫面光影的經營嘛有接紲陳其茂伊一貫致心的安排。活用刀具鑿出多樣化的線條，配合複雜閣有理路的構圖，畫面內底烏白對範（tuì-pān）的中性色調。儼硬（giám-ngē/ngī）的水牛粗勇的跤蹄仔踏著誠有力，水牛是後壁彼塊肥閣媠的水田佮厝宅的功臣，景物的安排有呵咾的意思，成做一个象徵性的英雄 圖樣。 王雅玲，國立臺灣美術館典藏詮釋資料，2025。 小牧童悠閒的騎在牛背上，任牛馱著他前行，他側身吹奏著笛子，一隻飛鳥輕盈的在一旁與之應和。這是一幅對農業社會生活的紀錄，此種描繪鄉野風光與農家生活百態的題材，在1940與1950年代十分盛行，為那個刻苦辛勤但樂天知命的時代留下無數的感人的見證。本作構圖豐富緊密刻畫細緻，透過整體景物的安排，依次為走在田埂間牧童與水牛、水稻田、下射的陽光、遠山，依序堆疊層次分明，充分掌握空間的深遠，在寫實景物的描寫之餘又添了一股詩意，十分動人，畫面光影的經營亦承襲陳其茂一貫的精心安排。活用刀具刻挖多樣化的線條，配合繁而有序的構圖，畫面中黑白相當的中性調子。堅實的水牛踏著厚實有力的腳蹄，水牛是後方豐沃稻田及家園的功臣，景物的安排有歌頌的意味，形成一象徵性的英雄圖像。 出處：國立臺灣美術館典藏詮釋資料。