台語譯文： 天頂有一寡白雲咧飛，遠遠干焦看著廟寺（biō-sī）的翹脊（khiàu-tsit）佮頂面龍（liông）的姿勢，目睭內所見全全是市仔（tshī-á）繁華的榮景，布棚跤人真濟，人陣來來去去，大樹跤一个買好欲轉的太太拄行對邊仔過，青lìng-lìng真茂的大樹公（tuā-tshiū-kong）袂輸佇遮見證這个所在長躼躼的歲月歷程。佇農業為主的傳統社會，赴墟（hù-hi）是真要緊的活動，一个市仔共四箍圍仔居民的日用扞牢牢，無論是農作物佮手工藝品的買賣抑是交換，抑是講欲買日用品，甚至佇這種場合人佮人互相交陪盤撋連絡，攏是足重要的交際場所。這个作品的尺幅細細个仔，柴刻版畫（tshâ-khik pán-uē）主要有白底烏巡的陽刻法佮烏底白巡的陰刻技法，作者揀這款幼密的陰刻形式來刻畫這幅構圖密實的圖，長條形的平面空間共看遠的視野彼種深佮闊配搭甲真拄好，前中後景一重疊過一重，用濟閣密的線條來共赴墟的情景刻甲詳細閣幼膩。空間的安排有密有櫳，景物的刻畫有幼有粗，運刀掌握甲真好勢，畫面看著調和豐富，毋但有掠著柴刻版畫特有的柴佮刀的氣口，嘛有真深的人情味。 王雅玲，國立臺灣美術館典藏詮釋資料，2025。 天空飄著些許白雲，遠處只見寺廟燕尾屋頂及其上的神龍姿態，舉目所見盡是市集繁華的榮景，遮陽棚下人群聚集，人們來來往往，大樹下正走過一名購足生活用品的太太，濃茂繁生的大樹彷彿見證著此地悠長的歲月歷程。在主要以農營生的傳統社會，趕集是相當重要的活動，一個市集連繫著生活在其周圍腹地裡人們的生活所需，不論是農作物及手工藝品的販售或交換，或是生活必需品的購買，甚至在這樣的場合讓人們連絡情感交換訊息，是相當重要的社交場所。此作尺幅極為小巧，木刻版畫主要有白底黑線的陽刻法與黑底白線的陰刻技法，作者選擇以細密的陰刻形式來刻畫此構圖緊密的圖畫，長方形的平面空間成功搭配此遠望視野的深闊，前中後景層層相疊，透過繁密的線條營造詳實細膩的趕集樣貌。空間安排密中有疏，景物刻描有細有粗，掌握得宜的運刀使畫面調和豐富，不僅抓住木刻版畫特有的木味與刀味，亦流露出一股濃濃的人味。 出處：國立臺灣美術館典藏詮釋資料。