台語譯文： 這幅柴刻版畫用三段式的構圖呈現，下底是一个查某人（tsa-bóo-lâng）手裡提鏡（kiànn），邊仔的查埔人（tsa-poo-lâng）咧共伊梳頭（se-thâu）。中節有兩隻徛倒反向的雞公（ke/kue-kang），上頂面是徛佇樹仔（tshiū-á）兩爿的老爸、抱嬰仔（enn/inn-á）的老母。樸實的線條予作品充滿純真的性命力，分段式的構圖有敘事性（sū-sū-sìng），親像講予看的人聽彼條伊數念的囡仔時的長汀囡仔歌（gín-á-kua） 。規幅圖無留一屑仔空間，規个用線條佮花點（hue-tiám）楔（seh）甲滇滇，密喌喌（ba̍t-tsiuh-tsiuh）的構圖，共畫面妝甲花漉漉，袂輸素人藝術（sòo-jîn gē-su̍t）彼款多彩奢華的圖像佮色彩，真有囡仔款的趣味。作品先用主版印烏色的浮線起去，才閣親手用點染（tiám-ní）的方式做色，用足濟線條佇畫面內底穿引流動。畫面的動勢予人感覺直透伸對頂面起去，曲線無接逝（tsiap-tsuā），予畫面真流通閣有節奏，規个作品充滿活力。江漢東用家己的方式，筆攑咧全然照心意，袂予世間萬物現實的形體束縛，是伊創作的信念。個人風格顯明的柴刻版畫受著立體主義影響，畫面變做較平面款（pênn/pînn-bīn-khuán），追求表現二度空間，佇臺灣柴刻版畫（tshâ-khik pán-uē）的創作領域建立一種和人無相仝的風格。 出處：賴欣宜，國立臺灣美術館典藏詮釋資料，2025。 此幅木刻版畫以三段式構圖呈現，下方是手拿著鏡子的女子而她身旁的男子正為她梳頭。中段有兩隻面向相反方向的公雞，畫面最上方是分立在大樹兩側的父親與抱著嬰兒的母親。樸拙的線條讓此作充滿純真的生命力，分段式的構圖有敘事性特色，彷彿對觀者闡述懷想中童年的長汀兒歌。全幅作品不留任何空間，都用線條或點去填滿，繁複緊密的構圖，將畫面妝點的目不暇給，有著如素人藝術般富麗繁華的圖像和色彩，充滿童趣。作品以主版印上黑色輪廓線後，再以手繪的方式點染上色，以豐富的線條穿引流動期間。畫面上有著往上延伸的動勢，並以斷續的曲線來經營畫面圖像的流暢感及律動，使作品中流逸著活力。江漢東以忠於自我，任筆隨意奔馳遨遊，不為現實萬物之形體所囿，為其創作信念，獨具個人風格的木刻版畫受立體主義的影響，有平面化畫面趨向，追求二度空間的呈現，在台灣的木刻版畫創作領域中樹立一股特立的風格。 出處：國立臺灣美術館典藏詮釋資料。